Në Liqenin Tuz në Anadollin qendror i njohur si “liqeni i kripur” , njëherësh destinacioni më i popullarizuar i flamengove, mijëra zogj këto ditë po marrin mësimet e para të fluturimit, i cili do tu nevojitet në vjeshtë atëherë kur largohen për në viset më të ngrohta.
Ekipi i Anadolu Agency (AA) ka realizuar pamje mbresëlënëse në sipërfaqe të liqenit Tuz, atje ku mijëra flamengo mësojnë fluturimin duke krijuar pamje spektakulare të vallëzimit përmbi ujë.
Liqeni Tuz, ose në përkthim tekstual, “liqeni i kripur” është foleja e preferuar e flamengove të cilët mbërrijnë këtu nga fundi i dimrit për të ndërtuar foletë për vezët e tyre.
Larg nga turmat e njerëzve, në një rajon të pasur me ushqim, mijëra flamengo vijnë në këtë botë dhe gjatë verës mësojnë fluturimin i cili në shtator u shërben atyre të shkojnë në vendet e ngrohta të Mesdheut.
Kryetari i komunës Eskil, Nijazi Alcay, deklaroi për Anadolu Agency se flamingot me dekada të tëra janë simbol i këtij vendi dhe se autoritetet lokale i japin rëndësi të madhe ruajtjes së mjedisit dhe mbrojtjes së liqenit, i cili është një lloj i inkubatorit për flamengo, citohet Koha. (b.an)
