Trajneri i Milanit, Sinisa Mihajloviç ka thënë se sulmuesi i sapo transferuar nga Liverpooli, Mario Balotelli është pak si shumë në mbipeshë, prandaj i duhet kohë për të qenë i gatshëm.
Sulmuesi problematik është në huazim te Milani për një vjet, kurse ka filluar mbarë aventurën te “Rossonerët”, duke shkëlqyer në miqësoren kundër Modenas, transmeton Koha.net. “Ai nuk ka luajtur për një kohë dhe i duhet ende që të përmirësohet. Tani është duke ushtruar mirë dhe testet e tij fizike janë të kënaqshme, por ai ka tre kilogramë mbipeshë. Ai është në një dietë dhe kur të jetë gati do të luaj”, është shprehur Mihajloviç për Gazzetta dello Sport.
Balotelli nuk kishte luajtur një kohë të gjatë me Liverpoolin, por së fundmi as nuk ishte ftuar nga Brendan Rodgers për turneun para sezonal të skuadrës.
