Përbërësit:
1 kilogram midhje
1 kokërr qepë
6 thelpinj hudhër
½ e një shisheje salcë domate
Djathë i bardhë ose kaçkavall
Gjethe dafine
Majdanoz
Kripë e piper sipas dëshirës
Përgatitja:
Fillimisht grijmë qepën hollë dhe e kaurdisim në një tigan me vaj derisa të lëshojë ngjyrë. Më pas shtojmë hudhrat. I hedhim në një tepsi dhe aty shtojmë midhjet, gjethen e dafinës, majdanozin, kripën dhe piperin. I lëmë për 3 minuta në furrë të nxehur 180 gradë dhe më pas i shtojmë salcën e domates. I fusin në furrë sërish, jo më shumë se 20 minuta. Sapo t’i nxjerrim i spërkatim me djathë.
