Lideri i opozitës greke, Qiriakos Micotaqis, i cili sipas sondazheve pritet të jetë kryeministri i ardhshëm i Greqisë, deklaroi se perspektiva europiane e Shqipërisë kalon nëpërmjet respektimit të minoritetit grek.
Ai, gjatë fjalës së tij në Kongresin e Demokracisë së Re, iu referua atyre që i cilësoi shkelje të të drejtave të minoritetit grek në Himarë dhe tha se në këtë pikë nuk do të bëjë asnjë lëshim për Tiranën.
“Le të dijë vendi fqinj se nëse dëshiron që të mbajë gjallë perspektivën për t’u bërë një ditë anëtar i Bashkimit Europian, ky është një proces që nuk do të ketë asnjë lëshim në mbrojtjen e të drejtave të pakicave”, u shpreh lideri i konservatorëve grekë./a.meta
