Nga Eduard Zaloshnja
Pas ndeshjes Tirana-Teuta, klubi durrsak publikoi një deklaratë, e cila mund të përmblidhet me fjalët “Lojtari me ngjyrë Michael Ngoo është një monstër”. I menjëhershëm ishte reagimi publik i klubit kryeqytetas, i cili i bëri thirrje federatës që ta dënonte deklaratën raciste të klubit bregdetar. Dhe me këto dy publikime zhurma mbaroi…
Por nuk duhej ta mbyllnin me kaq Fanatiksat dhe shumë figura të shquara të futbollit kryeqytetas. Sepse Tirona ka patur futbollistë të bardhë, bojëkaf e të zinj në 100 vjetët e klubit, por të gjithë janë konsideruar bardheblu nga ata që e kanë dashur këtë klub. Aktualisht trajnerin e disa lojtarë i kemi me lëkurë të zezë,dhe zv.trajnerin e lojtarët e tjerë me lëkurë të bardhë, por në sytë tanë të gjithë janë vetëm bardheblu.
Klubi durrsak, duke ofenduar njërin nga familja e madhe bardheblu, ka ofenduar secilin nga ne bardheblujtë. Prandaj pres që çdo bardheblu që ka mundësinë e mikrofonit apo të internetit ta shprehë indinjatën e tij.
Shënim personal: Michael, sorry brother! We let you down, but we will make it up to you!
