Të ardhurat totale të buxhetit arritën 378.473 milionë lekë nga 398.210 milionë lekë të parashikuar për tu mbledhur gjatë vitit 2015.
Sipas treguesve paraprak fiskal të ministrisë së Financave, të ardhurat nga tatimet dhe doganat llogariten 259.251 milionë lekë, ndërsa si TVSH gjatë kësaj periudhe janë mbledhur 125.562 milionë lekë.
MF bën të ditur se të ardhurat nga akciza llogariten 39.027 milionë lekë, ndërsa të ardhurat nga pushteti vendor llogariten 11.700 milionë lekë.
Referuar statistikave publikuar nga ministria e Financave, totali i shpenzimeve për këtë periudhë arriti në 430.621 milionë lekë, ndërsa defiçiti buxhetor llogaritet të jetë -52.148 milionë lekë.
