President i vendit Ilir Meta, deklaroi gjatë një interviste për emisioni “Top Story” se mezi pret të dalë nga kjo ëndërr, duke iu referuar mbylljes së mandatit të presidentit dhe rikthimin në politikë.
Gjithashtu ai foli dhe mbi punën e tij 5-vjeçare në krye të shtetit, ku tha se u tradhëtua dhe u la i vetëm në projekt të kapjes së shtetit nga qeveria.
“Mezi po pres të dal nga një ëndërr. E kam me shumë qetësi. Kjo periudhë e Presidencës që ende nuk ka mbaruar ka tre faza. Është faza e parë që kemi dhe disa deklarata nga kryeministri Rama që ky është presidenti më i mirë. Thoshte ashtu se ashtu i interesonte.
Ajo ishte një presidencë normale deri sa opozita dogji mandatet. Besoj tani të gjithë e kanë të qartë se çfarë ka ndodhur. Kokluzioni im është i qartë dhe i prerë dhe me shumë prova. Pozicioni im gjatë këtyre 5 viteve, sidomos gjatë këtyre 3 viteve të fundit, Ilir Meta kanë qenë i vetëm, i tradhëtuar dhe i minuar nga miqtë dhe armiqtë, përmes korruptimit të opozitës, që vetëm i kanë shërbyer kapjes së shtetit nga kryemministri aktual.”, tha Meta./m.j
