Presidenti Ilir Meta përmes një mesazhi në faqen e tij zyrtare, uron shtetin e Kosovës për Ditën e Çlirimit. Ai falenderon aleatët, NATO-n dhe Amerikën, si dhe gjithë vendet e tjera që kontribuuan në çlirimin e Kosovës.
Por, Presidenti mesa duket ka “harruar” të urojë Partinë Socialiste sot, në 30 vjetorin e themelimit të saj.
Pjesë e strukturave të PS që në gjenezën e saj, Meta nuk ka zgjedhur ta nisë ditën me urimin për Partinë ku aderoi dhe nisi karrierën politike.
Madje pikërisht Partia Socialiste i dha Ilir Metës gjithçka duke e bërë ministër, zv.kryeministër, kryeministër, kryetar Parlamenti dhe me votat e saj President!
Partia Socialiste e Shqipërisë feston sot 30 vjetorin e themelimit të saj. Sot, do të mbahet dhe Kongresi i Jashtëzakonshëm i kësaj force politike, i cili vjen menjëherë pas mandatit të tretë që fitoi Partia e drejtuar nga Edi Rama./m.j
