Presidenti Ilir Meta nga Vlora, në një deklaratë për mediat me gazetarët, deklaroi se banorët në fshatin Vranisht janë kërcënuar.
Meta theksoi se nuk ka ikur natën në Vranisht, por ditën., duke shtuar se Rama gënjen e mashtron për të zgjatur agoninë e regjimit të tij. Sipas Metës, Rama nuk ka bërë asnjë konsultim publik për projektet në Vlorë e në jug.
“Populli i Selenicës e ka kërkuar presidentin. Këta kanë tradhtuar qytetarët në Selenicë, në Vlorë e kudo, kërkojnë të mashtrojnë me asfalt elektoral. Presidenti ka zhvilluar takime me qytetarët nga Vlora në Orikum, për grabitjet që iu bëheshin tokave të tyre.
Çdo projekt ka një diskutim paraprak, për të parë kush është më i miri, por se këta bëjnë projekte. Presidenti nuk ka ikur natën në Vranisht, por ka ikur ditën, do iki prapë, po të dojë të vijë edhe Damiani. Në Vranisht janë kërcënuar banorët pse ftuan presidentin. Kryeoligarku bën shpifje, që të zgjasë agoninë e një regjimi që bazohet te mashtrimi. Vlora iu takon gjithë shqiptarëve”, u shpreh Meta.
/a.r
