Meta takim kokë më kokë me Idrizin: Në harmoni me kryeministrin
Kreu i LSI dhe njëkohësisht kryetari i Kuvendit Ilir Meta ka zhvilluar një takim tjetërme Shpëtim Idrizin, kreun e PDIU-së. Ky takim vjen një ditë pasi PDIU mori një zëvendësministër dhe më konkretisht atë të Jashtëm.
Me dhënien e këtij posti, PDIU duket se ka dritën jeshile për t’u bërë pjesë e qeverisë më gjerësisht, ndërsa temë e takimit mendohet të jenë edhe pretendimet e PDIU për poste të tjera.
Në përfundim të takimit me Shpëtim Idrizin, kreu i Kuvendit Ilir Meta në një prononcim për gazetarët tha se gjatë këtij takimi është diskutuar për Kuvendin dhe për ndeshjen Shqipëri-Serbi. Meta deklaroi se takimet e tij me aleatin e koalicionit qeverisës, PDIU-në, janë në harmoni të plotë me kryeministrin, Edi Rama. “Jemi në harmoni të plotë me Kryeministrin Edi Rama. Diskutuam për Kuvendin dhe ndeshjen Shqipëri-Serbi”, u shpreh Meta pas takimit me Idrizin.
