Meta sulmon Komisionin Hetimor: Propagandë, kërkon të heqë vëmendjen nga 13 Tetori

Teksa Komisioni Hetimor ka nisur punimet mbi veprimtarinë e Ilir Metës, ky i fundit e ka sulmuar Kuvendin përmes një reagimi në Facebook.

Presidenti thotë se vetëm zgjedhjet e 13 Tetorit janë zgjidhja. Ai i cilëson rrëzimet e dekreteve të tij sot si një propagandë anti-president.

“Propaganda anti-President nuk ndihmon sundimin e ligjit që është kusht për çeljen e negociatave në 18 tetor nga Bashkimi Europian për vendin tonë.

Spostimi i vëmendjes për momentin nga detyrimi për respektimin e dekretit në fuqi të 13 tetorit për zgjedhje gjithëpërfshirëse vendore nuk ndihmon për zgjidhjen e krizës, por ndihmon përshkallëzimin e saj.

Kriteret e Kopenhagenit nuk janë shfuqizuar ende nga BE, ndaj respektimi i tyre është i pashmangshëm nëse ka mbetur sadopak vullnet politik për çeljen e negociatave ne 18 tetor. Zgjedhjet janë e vetmja zgjidhje!” – shkruan Ilir Meta.

/a.r