Kryetari i Grupit Parlamentar të PS Taulant Balla ka komentuar vendimin e Presidenti Meta për të shpallur non grata ambasadorin e OSBE, Bernd Borchadt.
Balla tha se Borchardt ka një histori të gjatë në Shqipëri, ndërsa shton se e gjitha është në vazhdë të sjelljes së njohur tashmë të presidentit të vendit. Ai shtoi se i vjen keq për degradimin e presidentit Meta.
“Është një keqardhje e madhe për degradimin e sjelljes institucionale të presidentit, qoftë për atë që po bën, qoftë në marrëdhënie me Kushtetutën. Ambasadorin e një vendi nuk e zgjedhim ne, e zgjedh vendi përkatës. A, po ka pasur një rast Shqipëria, kur ambasadori iranian u largua për shkaqe që dihen. Por, kjo sjellje e presidentit ka të bëjë me vazhdimin e sjelljes së tij në mbrojtje të opozitës. Kjo sjellje është për të ardhur keq, aq më tepër që Shqipëria vitin tjetër presidencën e OSBE-së”, tha Balla në “News24”.
Sipas deputetit të PS-së, Berndt Borchadt është një prej ambasadorëve që ka një histori të gjatë në Shqipëri duke theksuar se është një mbështetës i rrugës europiane të Shqipërisë. /e.s/
