Pas tentativës për grusht shteti në Turqi nga ushtria e këtij vendi, ka reaguar kryetari i Kuvendit të Shqipërisë, Ilir Meta.
Meta thekson se shmangia e gjakderdhjes dhe rikthimi i rendit kushtetues është shumë i rëndësishëm për Turqinë.
“Kryetari i Kuvendit Ilir Meta shpreh solidaritetin e tij me popullin turk dhe autoritetet legjitime te vendit për kapërcimin me sa me pak kosto te situatës se rende te krijuar nga tentativa për grusht shteti.
Shmangia e gjakderdhjes dhe rikthimi i rendit kushtetues janë tejet te rëndësishme për stabilitetin e Turqisë dhe te gjithë rajonit. Kryetari i Kuvendit i bashkohet thirrjes se komunitetit ndërkombëtar për qetësimin e situatës, rikthimit te normalitetit dhe mbështetjes për udhëheqësit dhe institucionet legjitime te dala nga vota e popullit turk”, thuhet në reagimin e kreut të Kuvendit.
