Kreu i Kuvendit Ilir Meta ka kërkuar që Spartak Braho, deputet i parlamentit të Shqipërisë dhe njëkohësisht kryetar i Komisionit të Sigurisë Kombëtare, të sqarojë publikisht takimin e tij me ish deputetin Mark Frroku, i cili ndodhet nën arrest.
Ky i fundit gjendet në spital pas shqetësimeve në zemër, ndërkohë që dje deputeti Braho ka zhvilluar një takim në ambjentet e një spitali privat ku Frroku ndodhet i shtruar.
Nisur nga kjo ka reaguar shefi i kabinetit të kreut të kuvendit ku tha se Meta nuk kishte asnjë dijeni për këtë takim dhe se është njohur me të nëpërmjet medias.
Meta i kërkon Brahos të spjegojë opinionin publik mbi takimin e zhvilluar me Frrokun.
Nga ana tjetër kreu i Kuvendit Meta ka kërkuar nga kryeprokurori Llalla, ministri i brendshëm Tahiri dhe ai i drejtësisë Naço që të hetohet cfarë ka ndodhur në takimin Braho-Frroku.
Shefi i kabinetit të kreut të Kuvendit thotë se asnjë deputet nuk mund të sfidojë ligjet dhe gjykatat. Kuvendi sqaron se nëse takimi Braho-Frroku është i vërtetë, Meta do të mbajë qëndrim.
