“Sulm me prapavijë politike”. Kështu e ka cilësuar Partia Demokratike incidentin e ndodhur në orët e para të mëngjesit në qëndër të qytetit të Burrelit, ku makinës së deputetit demokrat Bedri Hoxha i thyen xhamat persona ende të pa identifikuar.
“Partia Demokratike dënon ashpër sulmin ndaj makinës së deputetit Bedri Hoxha. Ky sulm me prapravijë politike bëhet për shkak të detyrës, ndaj Partia Demokratike i kërkon autoriteteve ligjore të zbardhin ngjarjen dhe të vendosin autorët përpara përgjegjësisë. Partia Demokratike dënon sulmet e përsëritura ndaj zyrave, makinave dhe personaliteteve të saj në prag të fushatës elektorale, duke e vlerësuar këtë situatë të rëndë si një histori presioni ndaj opozitës.”, thuhet në reagimin e selisë blu.
