Presidenti i zgjedhur, Ilir Meta foli sot në një intervistë për “Fiks-Fare” për kërcënimet e Gramoz Ruçit. Ky i fundit pati thënë në një takim elektoral se Meta mund të jetë Presidenti i parë nq Shqipëri që mund të shkarkohet.
Mirëpo, Meta i ka kthyer përgjigje me ironi, duke thënë se një gjë e tillë edhe mund të ndodhë, por Ruçi s’do ta ketë kënaqësinë ta votojë shkarkimin e tij, pasi nuk do të hyjë deputet në Kuvend.
“Kjo mund të ndodhë, po më vjen keq që miku im Ruçi nuk do ketë kënaqësinë të votojë kundër shkarkimit tim se nuk e kam vënë unë të nëntin në listë në Fier”, tha Meta.
Pak minuta, me pas, Meta foli per te njejten ceshtje ne “Vizion Plus”, kur shtoi se Ruçin do ta merrte keshilltar te tijin ne Presidencë.
