Kreu i Partisë së Lirisë, Ilir Meta ka kërkuar që të bëhet transparencë lidhur me masat që janë marrë kundër sulmeve kibernetik.
Meta i bëri thirrje prokurorisë që të hetojë për veprimet dhe mosveprimet për kërcënimin e sigurisë kombëtare përmes sulmeve kibernetike.
Sipas ish-presidentit, kryeministri Rama ka pasur dijeni për sulmet që prej maj 2021 dhe nuk janë marrë masa duke kërkuar dorkëheqjen e tij.
Sipas tij ishte kryeministri ai që mbështeti këtë proces. Meta tha se para hakerimitu ekspozuan fillimisht rrogat, numrat e telefonit të shqiptarëve e më pas targat.
Madje, Meta kujtoi se kryeministri në maj 2021 u kërkoi bankave të nivelit të dytë që të bëheshin pjesë e shërbimeve të e-Albania.
Përmes këtij rikujtimi, Meta tha se dëmi i sulmit do të ishte qenë më i madh nëse vetë bankat dhe Banka e Shqipërisë nuk do ta kishin refuzuar këtë kërkesë të Ramës.
“Rama duke e ditur këtë situatë prej kohësh, në 6 maj 2021 kërkoi t’u impononte bankave kryerjen e shërbimeve përmes e-Albania. Gjë që u refuzua prerë nga Banka e Shqipërisë dhe bankat e tjera. Të mos harrojmë se kjo kërkesë vinte pas goditjeve dhe hakërrimeve masive. Ekspertët e Microsoft theksojnë se hakerat kanë depërtuar në e-Albania që na maj 2021”, u shpreh Meta.
Ish-Presidenti tha se si kreu i shtetit ai ka bërë të gjitha veprimet që të mos cenohet siguria kombëtare nga sulmet ndërsa nga ana tjetër bëri përgjegjës institucionet për mos veprim.
“Vetëm dorëheqja e Ramës mund të rivendosi besimin tek shteti dhe siguria kombëtare dhe publike”, tha Meta.
