Presidenti Ilir Meta ka reaguar në rrjetet sociale pasi Hashim Thaçi u dorëhoq si President pas aktakuzave të ngritura nga Dhomat e Specializuara.
Meta vlerëson aktin e dorëheqjes së thaçit për t’u ballafaquar me akuzat dhe thotë se beson në pafajësinë e tij dhe të bashkëluftëtarëve të tjerë të UÇK-së.
“Lufta e Ushtrisë Çlirimtare të Kosovës ka qenë e drejtë dhe heroike. Vlerësoj aktin e dorëheqjes së Presidentit të Republikës së Kosovës, Hashim Thaçi, për t’u ballafaquar me akuzat dhe besoj në pafajësinë e tij e të gjithë bashkëluftëtarëve, sikundër është konfirmuar edhe në të kaluarën. Ky është një moment reflektimi për të forcuar më shumë bashkëpunimin dhe unitetin, në interesin më të mirë kombëtar”, thotë Meta.
/a.r
