Presidenti Ilir Meta reagon për herë të parë, pasi pasditen e djeshme Kuvendi miratoi Komisionin Hetimor për shkarkimin e tij.
Duke publikuar një foto nga momenti i betimit si President me dorën mbi Kushtetetutë, ai jep qëndrimin e tij.
‘Photo of my life! (Foto e jetës sime) Shqipëria e para”, shkruan Meta.
Komisioni pas një raporti të detajuar do t’i kërkojë më pas Kuvendin shkarkimin e Presidentit Meta, ashtu siç pretendon mazhoranca qeverisëse.
Komisioni hetimor përbëhet nga PS: Ulsi Manja kryetar, anëtare: Vasilika Hysi, Klotilda Ferhati, Bashkim Fino, Alket Hyseni, anëtare zëvendësues: Adnor Shameti dhe Spartak Braho.
Nga grupi parlamentar demokrat: Alban Zeneli, zv.kryetar dhe Halit Valteri anëtar e Arlind Çarcani, anëtar zëvendësues.
Nga grupi parlamentar i partive të djathta: Adriatik Alimadhi, anëtar dhe Zef Shtjefni, anëtar zëvendësues
Nga deputetët jashtë grupeve parlamentare: Krenar Rryçi, anëtar.
Për shkarkimin e Presidentit nevojiten 94 vota, ndërsa kërkohet që fjalën e fundit ta thotë edhe Gjykata Kushtetuese, e cila aktualisht është jashtë funksionit.
g.kosovari
