Presidenti i Republikës, Ilir Meta priti sot në një takim, Bujar Osmanin, Zëvendëskryeministër për Çështjet Evropiane të Republikës së Maqedonisë.
Presidenti Meta përshëndeti miratimin e ligjit për përdorimin e gjuhës shqipe nga ana e Parlamentit të Maqedonisë, si një hap përpara për demokratizimin dhe forcimin e rrugës integruese të Maqedonisë.
Presidenti i Republikës theksoi rëndësinë e zbatimit të plotë të Marrëveshjes së Ohrit, për respektimin e të drejtave të shqiptarëve në Maqedoni dhe përmirësimin e klimës së besimit të ndërsjellë mes shqiptarëve dhe maqedonasve, në interes të integrimit euro-atlantik të vendit.
Presidenti Meta shprehu angazhimin e tij për forcimin e bashkëpunimit mes Shqipërisë dhe Maqedonisë, në interes të dy vendeve dhe perspektivës evropiane të rajonit./a.m.
