Kandidati për deputet i Partisë Socialiste në Qarkun Tiranë, Endrit Braimllari, ka thumbuar kreun e Partisë së Lirisë, Ilir Meta, përmes një videoje në facebook.
Braimllari thotë se është koha të bashkojmë “çdo votë për numrin 5, për Partinë Socialiste” dhe “të lemë mënjanë çdo personazh qesharak që qëllimin e tij të vetëm ka të marrë ndonjë mandat qyl nga Partia Demokratike”.
“Edhe pak ditë na ndajnë nga zgjedhjet e 11 majit ndaj është koha të bashkojmë çdo energji, çdo votë për numrin 5, për Partinë Socialiste, me qëllim që rruga europiane e vendit të bëhet realitet.
Le të lemë mënjanë çdo personazh qesharak që qëllimin e tij të vetëm ka të marrë ndonjë mandat qyl nga Partia Demokratike dhe më pas t’u bëjë karshillëk demokratëve.
Ndaj është koha që të bashkojmë çdo energji për rrugën europiane të fëmijëve tanë. Është koha që të bashkojmë çdo votë me Partinë Socialiste sepse vetëm me Partinë Socialiste rruga europiane e vendit bëhet realitet”,- thotë Braimllari.
