Presidenti Ilir Meta tha në një konferencë të jashtëzakonshme se do të bëjë gjithçka për të bërë referendum në mbrojtje të Kushtetutës, ndërsa kërkoi mbështetjen e mbarë popullit shqiptar për këtë lëvizje.
“Shqiptarët të hapin sytë, të marrin fatin e tyre në dorë në mbrojtje të Kushtetutës. Kushtetua është vija e kuqe dhe e kuqe flakë. Presidenti do të kërkojë që përmes popullit të kërkojë referendum. Referendumi është demokracia direkte, demokracia në veprim. Kjo është detyra ime!”, u shpreh Presidenti Meta.
Sipas Kushtetutës së Republikës së Shqipërisë, referendumi organizohet përmes mbledhjes së firmave, ku duhet të jenë të paktën 50 mijë të tilla nga qytetarë me të drejtë vote.
Referuar deklaratës së Presidentit që do të kërkojë mbështetjen e popullit, pritet që Meta të nisë mbledhjen e firmave për organizimin e referendumit. /e.s/
