Deklarata e forte e bere nga Presidenti i Republikës se Shqiperise, Ilir Meta ne samitin SEECP, që po zhvillohet në Sarajevë, ku kerkoi qe Kosova si shtet sovran e i pavarur te njohet e respektohet se pari nga fqinjet ka shkaktuar reagimin e kryeministres se Serbisë, Ana Bërnabiç.
Mediat serbe shkruajne per perplasje verbale mes tyre, teksa i referohen reagimit te bere nga kryeministrja Bërnabiç.
Gazeta Blic, shkruan se ajo i eshte pergjigjur Metes me kete reagim: Shteti ku është duke u mbajtur ky samit nuk e njeh shtetin e Kosovës, “përmbahuni nga provokimi”.
“Në këtë tryezë ka disa vende që nuk e njohin Kosovën, dhe unë sugjeroj që të mos ketë përplasje për këtë çështje mes shteteve të tjera. Më vjen keq që përfaqësuesit e institucioneve të përkohshme të Prishtinë nuk janë këtu. Kjo tregon se çfarë bashkëpunimi dëshiron Prishtina”, ka thënë Bërnabiç, shkruan “Blici” serb.
Meta gjatë fjalës së tij në Samitin e SEECP në Sarajevë, ka shprehur keqardhjen e tij që Kosova nuk ka marrë pjesë në të. Presidenti theksoi se Kosova është shtet i pavarur dhe sovran dhe duhet të trajtohet me respekt.
“Tani është koha e duhur, që jo vetëm Bosnja dhe Hercegovina, që duhet të kishte bërë të gjitha përpjekjet për të garantuar pjesëmarrjen e Kosovës në këtë Samit, por edhe çdo vend tjetër të bëjë përpara në drejtim të njohjes dhe pranimit të këtij realiteti. Republika e Kosovës është shtet i pavarur e sovran dhe duhet të trajtohet me respekt, para së gjithash nga vetë fqinjët e saj.”, tha Meta ndër të tjera.
g.kosoavri
