Sërish në një dalje publike pas emërimit të krerëve të komisioneve që do të përpilojnë programin e LSI, Ilir Meta i ka çuar mesazh PD-së duke i kërkuar zgjidhje përmes dialogut dhe jo retorikës konfrontuse. Sipas kreut të LSI, zgjedhjet e standartit europian dhe vijimi i reformës janë dy kushte për të çelur negociatat, por për to kërkohet dialogu kontruktiv.
“Qëndrimi i LSI është mjaft i qartë. Zgjedhjet e qershorit janë vendimtare për të ardhmen europiane të Shqipërisë. Së bashku me vendimin e zbatimit të reformës dhe fillimin e procesit të reformës janë kyce, për çeljen e negociatave, por njëkohësisht për zbatimin e suksesshëm të reformës në të ardhmen.
Besoj se dialogu është e vetmja rrugë për të zgjidhur çështjet që ngrihen të cilat kanë të bëjnë standartet e zgjedhjeve. Asnjëherë nuk duhet hequr dorë nga dialogu sepse cdo lloj retorike konfrontuese, sepse dialoghu politik është kyç për zgjidhjen e problemeve.”tha Meta.
I pyetur nëse ka folur në lidhje me koalicionin dhe darkën që pati me Ramën në mbledhje, Meta tha:
Mbledhja nuk ka qenë e gjatë sepse cdo lloj diskutimi i tillë do të kërkonte kohë të gjatë, por mbledhja ka qenë për përgatitjet e LSI-së për të përmirësuar më tej programin e saj dhe njëkohësisht për të përgatitur programin e sotëm elektoral. Nuk ka patur ndonjë diskutim të vecantë për këtë cështje.
Ne vazhdojmë në këtë koalicion që të përmbushim të gjitha detyrimet. Kjo është kryesore sepse cdo ditë e javë që vjen, gjithsecili ka përgjegjësitë për të përmbushur dhe ne jemi munduar që të sjellim një klimë sa më kontruktive.
Ne nuk bëjmë kalkulime numrash aq më tepër të parakohshëm e të panevojshëm.
