Ish-kreu i LSI-së, Ilir Meta ka bërë thirrje nga Pogradeci për të marrë hak me votë ditën e sotme ndaj kryeministrit Edi Rama, pasi sipas tij ai shiti bashkinë e qytetit. Presidenti i zgjedhur tha se Rama jo vetëm e shiti bashkinë, por e çoi qytetin e Pogradecit në katandisje.
“Pogradeci ka hak për të marrë ndaj atyre që shitën bashkinë e Pogradecit. Ta dëgjojë Edi Rama, se këtu nuk do ketë votë për PS-në, që shiti bashkinë e Pogradecit. Jo vetëm e shitën që të mos i merrte aleati strategjik LSI, që i qëndroi korrekt, por edhe kanë katandisur Pogradecin në një bashki të kategorisë së tretë duke mos investuar dhe penalizuar një popull të tërë këtu. LSI do jetë forcë e parë për të mos ndërtuar kulla të shëmtuara, si ajo e Korçës, miliona euro,” tha Meta.
ma.me
