Ndërkohë që në mbarë vendin po zhvillohen votimet për drejtuesit lokalë, Presidenti Ilir Meta ka vendosur ta kalojë të dielën pranë detit.
Kreu i shtetit ka dalë në foto edhe me ish-futbollistin e kombëtares, Klodian Duro. Ka qenë ky i fundit që ka publikuar foton në rrjetin social, Instagram.
“E si mund të kalohej e diela dhe pa pak futboll. Surprizë e bukur të kaloja sot disa momente me yllin e Kombëtares sonë, Klodian Duro”, shkruan Meta.
Ndërkohë kreu i shtetit paradite u shfaq përkrah këshilltarit të tij për media Tedi Blushi.
“Sot me Blushin tim duke shijuar këtë të dielë historike plot diell dhe muzikë.” shkruan Meta.
g.kosovari
