I ftuar në emisionin “Top Story” të gazetarit Sokol Balla, kreu i LSI-së i është përgjigjur akuzave të javës që opozita ka adresuar ndaj tij dhe mazhorancës.
Meta u ndal edhe te operacioni i Autoritetit Kombëtar të Ushqimit, i cili pak ditë më parë bllokoi 100 ton miell në pronësi të kreut aktual të Bashkisë Vorë, Fiqiri Ismaili (PD).
Në lidhje me bllokimin në fjalë, Partia Demokratike ka reaguar përmes deputetit Astrit Patozi, i cili tha se e cilësoi këtë si një urdhër të kreut të Kuvendit Ilir Meta. Sipas tij, kjo për shkak se në Vorë kandidon nga e majta një figurë e LSI-së.
Në lidhje me këtë ngjarje si dhe akuzat e vazhdueshme që u përsëritën edhe sot në seancën e Kuvendit, Ilir Meta u shpreh se “PD po bën fushatë me miellin e Fiqos”.
Ndërkohë, Meta bëri publike edhe disa fotografi nga operacioni i AKU-së ku dukeshin kushtet në të cilat ruhej mielli ne magazinim.
Ilir Meta u shpreh se rritja ekonomike po vijon, por nuk eshte ne ritmin e duhur. Ai tha se ka nevoje per ndryshime ne sektore te ndryshem te qeverisjes, pa pranuar te shprehet per emra te vecante.