Kreu i Partisë së Lirisë, Ilir Meta i është drejtuar protestës së opozitës me një mesazh zanor nga burgu. Meta shigjetoi drejtësinë e re dhe kreun e SPAK, Altin Dumani.
“Meta: Misionarë të lirisë dhe demokracisë që protestoni plot guxim kundër narko regjimit. Përshëndetje për Berishën, qëndrestarin e paparë dhe drejtuesit e opozitës, përshëndetje të veçanta për Salianjin dhe të gjithë të burgosurit politikë të narko regjimit. Çdo shtet ka mafien e tij, por në Shqipëri mafia ka pushtetin e saj. Kjo dëshmohet edhe nga Ahmetaj, krahu i djathtë i Ramës për 10 vite në pushtet. Kjo dëshmi vjen me prova, shkresa zyrtare, me gatishmërinë për të dëshmuar në një gjykatë ndërkombëtare, Ahmetaj na provoi se si shteti është shndërruar në organizatë kriminale.
Do ndalem në dy çështje, Rama u kujtua pas 12 vitesh në pushte për të krijuar një bankë zhvillimi me fokus bujqësinë, pro kush e pengoi këtë deri më tani,. apo kujton se me këtë shashkë do mashtroje shqiptarët që merren me bujqësi, që këtë vit do u jap më pak se ryshfeti që ka marrë për Tunelin e Llogarasë. Jemi vendi me mbështetjen më mjerane për bujqësinë. Ku është shëndetësia falas, ku është nafta e Shpiragut që do begatonte jo vetëm Shqipërinë, por edhe Ballkanin.
Ahmetaj na dëshmoi përse Dum nuk e heton kryebashkiakun për inceneratorët, sepse e paska urdhëruar dhe detyruar Rama për këtë akt të paligjshëm dhe çdo hetim do tregonte se koka e vërtetë e kësaj megafere është Edi Rama.
Drejtësia e re është mashtrimi dhe korrupsioni më i madh që ka ndodhur. Harta e re gjyqësore e bëri drejtësinë më të paarritshme, më të shtrenjtë për qytetarët. Pse hesht Dumani për McGonigal, ky që më mban mua të izoluar për lobimet e LSI në SHBA. Ka dy vite që nuk thërret Ramën për McGonigal. 11 maji është dita historike e skadencës së narko regjimit dhe narko drejtësisë. 11 maji do jetë dita e triumfit, e përmbysjes së këtij modeli.
