Kryetari i Kuvendit, Ilir Meta mori pjese në konferencën e kryeparlamentarëve të BE-se që zhvillohet në Luksenburg, për të diskutuar rreth krizës së refugjatëve.
Gjatë fjalës së tij, Meta tha se Shqipëria do të kontribuojë për gjetjen e një zgjidhje të kësaj krize.
“Shqipëria do të kontribuojë brenda kapaciteteve të saj dhe sipas nevojës së partnereve tanë evropianë. Jemi në kontakt të vazhdueshëm me fqinjët tanë, Italinë dhe Greqinë. Kriza e refugjatëve ka nevojë për një strategji të mirëkoordinuar evropiane. Moskoordinimi i lë vend pasigurisë dhe rrjeteve të trafikut dhe terrorizmit”, tha Meta.
Qytetarët evropianë, nenvizoi ai, duhet të kenë besim tek BE dhe të qëndrojnë larg alternativave nacionaliste e ksenofobiste. Kriza e refugjatëve kërkon zgjidhje konkrete, të përgjegjshme dhe të qëndrueshme, u shpreh kryeparlamentari.
Në konferencë merr pjesë edhe Presidenti i Komisionit Evropian Jean Claude Juncker. (javanews.al / r.a)
