Kryetari i LSI-së, z. Ilir Meta mori pjesë në shpërndarjen e rreth 300 certifikatave legalizimi në Bashkinë e Vorës. Të pranishëm në këtë aktivitet ishin edhe Ministria e Bujqësisë, Zhvillimit Rural dhe Administrimit të Ujërave, z. Edmond Panariti, Ministrja e Zhvillimit Urban, znj. Eglantina Gjermeni, drejtori i ALUIZNI-t, z. Artan Lame, Drejtori i Zyrës së Regjistrimit të Pasurive të Paluajtshme, z. Ilirjan Muho, kandidati i “Aleancës për Shqipërinë Europiane” për kryetar të Bashkisë Vorë, z. Luan Sallaku, Sekretari i Përgjithshëm i LSI-së, z. Luan Rama, deputetët z. Artan Gaçi e z. Xhemal Qefalia.
Duke folur gjatë këtij aktiviteti, z. Ilir Meta vuri në dukej se të gjithë janë dëshmitarë të angazhimit të jashtëzakonshëm të qeverisë dhe të kryeministrit Edi Rama për të ecur me shpejtësi sa i takon procesit të legalizimeve.
“Gati në më pak se 10 ditë angazhimi, mobilizimi të ALUIZNI-t, të Drejtorisë së Përgjithshme të Hipotekave, ne sot kemi rreth 300 legalizime dhe ky proces do të vijojë në ditët dhe në javët që vijnë edhe në Domje e Bërxull, edhe në Prezë, edhe në Gërdec, sepse interesi i ynë është që t’i japim njerëzve zgjidhje sa më të shpejtë të këtij problemi”, – shtoi Lideri i LSI-së.
