Gjatë dëshmisë së tij në Komisionin Hetimor, Presidenti Ilir Meta tha se 30 Qershori u anulua pas disa informacioneve sekrete që iu servirën nga institucionet.
Ai u shpreh se këtë informacion e kishte marrë një ditë para protestës së opozitës, shkruan JavaNews.al
“Në datën 7 qershor, një ditë para se të bëja publik vendimin për shfuqizimin e datës 30, kam marrë një informacion i cili natyrisht është sekret dhe i klasifikuar. Sipas këtij informacion persona të caktuar do të shfrytëzonin protestën e opozitës për ta djegur Kuvendin e Shqipërisë” – tha ai.
Meta u shpreh se kjo ngjarje do të krijonte pasoja në jetët e njerëzve dhe do të dëmtonte imazhin e vendit, shkruan JavaNews.al
Kreu i Shtetit u tregua i gatshëm që këtë informacion t’ia vejë në dispozicion Komisionit pasi të merret aprovimi nga burimi, dhe pasi anëtarët e tij të jenë pajisur me certifikatë sigurie. /javanews/a.r
