Presidenti i Republikës, Ilir Meta, ka shprehur sot vlerësimin më të lartë për regjisorin Mihal Luarasi, i cili u ndëshkua nga regjimi që përjetoi Shqipëria pas Plenumit të 4-t te PPSH, si dhe ka shprehur ngushëllimin për ndarjen nga jeta të tij.
Në statusin e tij social Facebook, Presidenti Meta shprehet: “Mihal Luarasi, regjisori i mirënjohur i teatrit shqiptar, njeriu që provoi ndryshime cilësore në skenë dhe eksperimentoi mjeshtërisht përgjatë pranverës së shkurtër të fillimviteve 1970 dhe më pas u ndëshkua me rreptësinë fanatike, që përjetoi Shqipëria pas Plenumit të 4-t; i rikthyer në jetën artistike dhe në lëvizjet e mendimit prej afro tri dekadash, është ndarë nga jeta duke lënë ndër ne e për brezat e ardhshëm gjurmën e vet në teatrin dhe kulturën tonë kombëtare”.
“Nderim jetës dhe veprës së tij. U prehtë në paqe!”, shprehet Meta, duke postuar edhe foton e regjisorit Luarasi, si një nderim për këte figure të artit dhe skenës. /b.d
