Presidenti Ilir Meta doli sot në një konferencë urgjente për shtyp për të reaguar rreth radhëve në Kakavijë, edhe pse çështja në fjalë ka marrë zgjidhje.
Ai deklaroi se ka pasur mungesë reagimesh nga Ministria e Jashtme dhe të tjerë dikastere të linjës.
Meta tha se qeveria shqiptare i drejtoi gishtin Greqisë, ndërsa vetë fajësoi shqiptarët. Ai shtoi se situata e krijuar në Kakavijë e ka tronditur.
“A ka patur njoftim nga MEPJ për kuotën ditore? Ai i njoftoi qytetarët për kushtet e udhëtimit?” – pyeti Meta në takimin e tij me gazetarët.
Kujtojmë se vetë Presidenti ndodhej prej disa ditësh në Jug dhe nuk i vizitoi qytetarët në radhë, por dekoroi disa personalitete të këngës labe në Pilur.
/JavaNews/a.r
