Ilir Meta i është përgjigjur deklaratave se LSI ka dy mandate që është në qeveri, në 2009-ën me PD-në dhe në 2013-ën me PS. Ish-kryetari i LSI, Ilir Meta deklaroi se në 2009 LSI bëri koalicion me PD-në, pasi lidershipi i PS refuzoi koalicionin. Gjatë bashkëqeverisjes me Berishën, Meta vlerësoi dy ngjarje madhore; liberalizimi i vizave dhe gazjellësi TAP. Ndërsa për koalicionin me PS, presidenti i zgjedhur deklaroi se kushti i vetëm i LSI ishte votimi i tre ligjeve nga PS.
“A ka qenë LSI në pushtet? Pyetje e drejtë. Bëmë koalicion me PD në 2009, pasi lidershipi i PS refuzoi koalicionin me LSI sepse donte ta merrte timonin vetem qe ne 2009. Gjatë atyre katër viteve ka dy ngjarje madhorë në interes të Shqiptareve, liberalizimi i vizave dhe gazjellësi TAP. Ne kemi qenë edhe në koalicion me PS dhe vendosëm kusht që të votontë tre ligjet e integrimit që i kishte bllokuar. Ky ishte kushti i vetëm për koalicion me PS-në. Kemi bërë koalicion me PS-në dhe PD për stabilitetin e vendit. LSI nuk ka bllokuar asnjë ligj që përshpejtojne integrimin evropian të Shqipërisë”, deklaroi Meta.
Ilir Meta deklaroi se ka ardhur koha që LSI të qeverisë vendin, për të vazhduar më tej me reformat dhe forcimin e stabilitetit të vendit.
“Po çfarë kërkon LSI tani? As në 2009 dhe as në 2013 nuk kishim drejtimin e qeverisë, tani kërkojmë të qeverisim, për të vazhduar me reformat dhe forcimin stabilitetin e vendit”, deklaroi Meta.
Gjatë një bashkëbisedimi me të rinjtë në Kamëz, Meta kërkoi që qytetarët të mos e lënë Shqipërinë në dorë të oligarkëve. Më 25 qershor, do të fitojmë daljen forcë e parë, tha Meta.
“Mos ua lini Shqipërinë oligarkëve, merreni vendin në duart tuaja duke votuar LSI. Nuk kemi në listën e LSI për Tiranën biznesmenë që i vënë gjoba qeverisë, por të rinj të mrekullueshëm e politikanë me eksperiencë”, deklaroi Meta
Në 26 qershor, telefonatën e parë, Rama dhe Basha do ia bëjnë Vasilit, deklaroi Meta
“Pasi u shanë dhe u kërdisën dhe na nxorrën bojën në gjithë Evropën dhe Botën, që tani u thonë mos rrini me LSI se ata nuk do jenë në pushtet, se në pushtet do jemi ne e me rradhë, mbajeni mend në 26 qershor në mëngjes nuk do keni mundësinë ti telefononi Petrit Vasilit t’i uroni fitoren se nuk do t’ju lënë ata.Ata s’do ju lënë rradhë juve se do futen në sherr kush do arrijë i pari ta marre ne telefon Petrit Vasilin dhe do i thone’ urime vëlla, tani t’i lëmë ato se ti tani e kupton si është situata, se kush ëshë më i mirë se njëri se tjetri e kështu me rradhë”.
Ilir Meta kërkoi që “t’i japim fund komedisë “one show man”/javanews.al/a.ç
