Kryetarja e Dhomës së Deputetëve të Italisë, Laura Boldrini nisi të enjten vizitën e saj dyditore në Shqipëri. takimin e parë ajo e zhvilloi me homologun shqiptar Ilir meta në Kryesinë e Kuvendit. Pas takimit ata zhvilluan një konferencë të përbashkët për mediat. Meta deklaroi gjatë fjalës së tij se Italia ka qenë avokatja e Shqipërisë në rrugën e integrimit.
“Është kënaqësi e veçantë që kryetarja e parlamentit italian viziton vendin tonë. Italia ka qenë dhe mbetet avokatja në këtë drejtim, pasi ne mbështetmi shumë tek ky vend, sa i takon edhe çeljes së negociatave me BE.”, tha Meta.
Ndërkohë, homologia e tij italiane Laura Boldrini theksoi se vendi ynë në këto vite ka ecur përpara, ndërsa Italia do të vijojë të mbështesë integrimin e saj në BE. Ajo vlerësoi edhe rolin e shqiptarëve në ekonominë italiane.
“Ndryshimi shihet që në aeroportin e Shqipërisë. Vendi juaj ka pësuar ndryshime të mëdha në këto vite. Kjo përben një rëndësi të madhe për komunitetin shqiptar në Itali, pasi komuniteti shqiptar në Italia ka punësuar jo vetëm veten, por edhe shtetas italian. Ky është një mësim i mirë për të gjithë ata vendet e ne dhe për atë sipërmarrës të frikës që kanë frikë të investojnë. Ndaj nuk mund të luftohen kundër emigrantëve për ngritje të mureve dhe telave me gjemba. Studentë italianë studiojnë në universitetet shqiptare, dhe kjo ishte e paimagjinuar para ca vitesh. Mendoj se pas disa vitesh sipërmarrës italianë, do jenë gjithmonë pjesë e investimeve ë këtë vend. Komuniteti Arbëresh përben pjesë e trashëgimisë kulturore për ne. Jam këtu për t’ju ofruar një protokoll dypalësh mes dy parlamenteve për të konrektizuar bashkëpunimin mes palëve. jam këtu për të afirmuar një miqësi të vjetër, që çdo ditë duhet të ushqehet.”, tha Boldrini.
/a.m.
