Përplasjet për Gjykatën Kushtetuese vijojnë me reagime të institucioneve të ndryshme në vend, por edhe të ndërkombëtarëve. Pas deklaratës së Ambasadës Amerikane për t’iu drejtuar Komisionit të Venecias për Gjukatën Kushtetuse, ka reaguar edhe Presidenca.
Përmes një postimi në rrjetet sociale, zëdhënësi i Presidencës Tedi Blushi thotë se: “Mjaft më me “Rule of Embassy”, koha për “Rule of Law””.
Reagimi i Tedi Blushit:
Garantët e veprimeve të paligjshme dhe mafioze të Dvoranit e kanë marrë mbrëmë përgjigjen zyrtare në një bisedë zyrtare tepër të përgjegjshme të Kryetarit të Shtetit.
Tymi i Venecias që hodhi me porosi të Ramës, Ambasadori në ikje i Agaçit pak ditë më parë, është turpi më i fundit i grupit të strukturuar diplomatik në Tiranë, bashkëfajtor për dhunimin sistematik të Reformës në Drejtesi dhe me qëllim kapjen e saj të plotë nga Regjimi monist i Edi Ramës.
Mjaft më “Rule of Embassy”. Është koha për “Rule of Law” si çdo vend demokratik.
Rruga e Elbasanit të çon në Elbasan dhe Rama e përdor dhe për në Xibrakë! Rruga e Kavajës të çon në Kavajë! Vetëm rruga e Kushtetutës na çon në Europën e Bashkuar! /e.s/
