Kryetari i Kuvendit, Ilir Meta ka reaguar në lidhje me situatën politike të krijuar në Maqedoni.
I pyetur nga mediat për komentin e tij lidhur me krizën politike dhe mos arritjen e një marrëveshjeje për krijimin e qeverisë pas zgjedhjeve, Meta shprehu shqetësimin e tij për situatën në Maqedoni.
“Maqedonia është sot nyja më delikate e rajonit tonë. Prej disa vitesh, Maqedonia ka vuajtur nga një krizë politike, institucionale, por edhe zgjedhore, për fat të keq. Burimi i kësaj krize, në fakt, ka qenë lufta e ashpër apo konflikti midis dy partive kryesore maqedonase” – tha Meta.
Në vijim të qëndrimit të tij, Meta theksoi gjithashtu se forcat politike shqiptar në Maqedoni duhet të forcojnë rolin e tyre të bashkëpunimit në Maqedoni për të çuar përpara dhe për të realizuar platformat e tyre dhe për stabilitetin e Maqedonisë. /b.d
