Presidenti i Republikës Ilir Meta do të shkarkohet dhe ndiqet penalisht. Deklaratën e fortë dhe të drejtpërdrejt e bëri gjatë emisionit Top Talk të gazetarit Denis Dyrnjaja, analisti dhe publicisti Frok Çupi.
Ai e sheh presidentin si problem e jo si zgjidhje. Çupi thotë se te Ilir Meta bashkohet tragjikja me komiken. Sipas tij tragjike janë aktet e shkeljes së Kushtetutës dhe komike simbolika heroike e deklaratave sfiduese të Presidentit, që fshehin panikun jo qetësinë.
Çupi shtoi se presidenti e ka të ndaluar të gjykojë politikisht dhe të marrë vendime të njëanshme. Gjykimet e tij politike vlejnë vetëm për aspektin personal, por jo institucional, ndaj aktet e Metës thotë analisti janë një shkelje e kushtetutës dhe shprehje e hapur e njëanshmërisë së Presidentit në favor të njërës palë. (Top Channel) /l.m
