Presidenti Ilir Meta ka dekretuar këtë të enjte pa vonesa emërimin e ministrit të Brendshëm Bledi Çuçi dhe ministres së Bujqësisë Milva Ekonomi.
Bledi Çuçi, i cili u propozua nga kreu i qeverisë Edi Rama për të marrë postin e Ministrit të Brendshëm, pas dorëheqjes së Sandër Lleshajt, si edhe Milva Ekonomi, e cila do të marrë në postin e Ministres së Bujqësisë, në vend të Bledi Çuçit.
Ndryshimet në qeveri, erdhën pas vrasjes së 25-vjecari Klodian Rasha nga efektivi i policisë, në rrugicën pranë banesës së tij, si edhe protestat që pasuan ngjarjen. Kryeministri Rama njoftoi dorëheqjen e ministrit të Brendshëm, Sandër Lleshaj, ndërsa një ditë më parë njoftoi emrat e rinj në kabinetin qeveritar që ai drejton.
Gjithashtu kreu i shtetit ka dekretuar shkarkimin e Sandër Lleshit nga detyra si ministër i Brendshëm, e gjithashtu shkarkimin e Çuçit nga ministria e Bujqësisë.
g.kosovari
