Meta: Basha, pse kërkon dorëheqjen time dhe jo të Edi Ramës?!
Nga Skrapari, kreu i Kuvendit Ilir Meta i kthen përgjigje kryeopozitarit Basha lidhur me kërkesën e dorëheqjes. Sipas Metës, Basha është i vetmi kryetar opozite që kërkon të dorëhiqet një kryeparlamentar dhe jo kryeministri. Ai më tej, ai ironizon Bashën duke thënë se po sjell risi dhe çudi në politikë, ndërsa thotë se kërkesa për dorëheqjen e tij vjen prej pakënaqësisë që Basha ka, ndaj respektit që kryeparlamentari ka për Berishën. “Lidhur me risitë dhe çuditë që po sjell në politikën shqiptare z.Basha nuk kanë nevojë për shumë sqarime. Është i vetmi kryetar opozite i cili në vend që të kërkojë dorëheqjen e kryeministrit siç kërkohet nga kryetarët e opozitës në të gjithë Europën dhe Botën, kërkon dorëheqjen e Kryetarit të Kuvendit. Unë e kuptoj kush është arsyeja e tij e vërtetë …është pakënaqësia e tij e thellë për respektin maksimal që unë tregoj jo vetëm për demokratët në parlament por sidomos për liderin historik z. Berisha, duke i dhënë mundësinë të shprehë pa kufi qendrimet e tij politike”, tha Meta.
Kryetari i Parlamentit, njëkohësisht kryetar të LSI-së, Ilir Meta e quan trill mediatik përçarjen e PS- LSI-në në qarkun e Dibrës. Nga Skrapari Meta tha sot se PS- LI ka qenë në nivelin më të lartë. Dje nga tre kandidatë në qarkun e Dibrës ka arritur të zgjidhet kandidati i LSI, Hajri Laçi falë bashkimit të votave me PD-në. Laçi ka garuar përballë kandidatit të PS Qazim Gjoni dhe ka fituar në unanimitet me 17 vota. Kanë qenë 4 këshilltarët e PD plus gjashtë votave të LSI dhe 7 të PS që i dhanë fitoren përfaqësuesit të LSI.
Meta ka mohuar edhe zërat se ka probleme me ndërkombëtarët, duke theksuar se LSI ka raporte të shkëlqyera me ta. Gjithashtu ai tha se asnjë ambasador i akredituar në Tiranë nuk pati kritika për kandidaturat e LSI-së në zgjedhjet vendore. Meta ka deklaruar gjithashtu se pas tre javësh do të udhëtojë drejte Shteteve të Bashkuara të Amerikës.
