Kryetari i Partisë së Lirisë, Ilir Meta, ka reaguar duke vënë theksin te largimet masive të shqiptarëve drejt perëndimit.
Ai thotë se ky eksod masiv ka marrë vëmendjen e medias prestigjioze “Forbes”, e cila shkruan kjo vjen si pasojë e keqqeverisjes, krimit, korrupsionit dhe mungesës së drejtësisë. Sipas Metës, përgjegjësi kryesor i kësaj situate është vetë kryeministri Rama.
“Eksodi masiv i të rinjve tanë tërheq vëmendjen edhe të Forbes. Shqiptarët po ikin, duke zënë vendin e tretë në botë për të larguarit nga vendi, sepse Edi Rama është armiku kryesor i lirive të tyre, autori dhe përgjegjësi i vrasjes së shpresës së të rinjve, në nivele aq dramatike sa po i detyrojnë të rrezikojnë edhe jetën duke kaluar La Manshin me gomone!Ne nuk duam që ky vend të braktiset, pasi çdo fëmijë që ikën nga Shqipëria le një brengë në familje. Shqipëria u përket të rinjve dhe ne do ta bëjmë këtë realitet!”, shkruan Meta.
/e.d
