Presidenti i Republikës Ilir Meta ka autorizuar sot publikimin e listës me 14 pyetje josekrete drejtuar Ministrisë së Mbrojtjes për gjeneral Sandër Lleshi, i cili është propozuar nga kryeministri Edi Rama si Ministër i Brendshëm.
Presidenti Meta i drejton këto pyetje ministres së Mbrojtjes, Olta Xhaçka dhe kërkon përgjigje për to.
“Emërimi i Sandër Lleshajt në postin e ministrit të Brendshëm paraqet një problematikë themelore kushtetuese. Kjo sepse ushtarakët e shërbimit aktiv nuk mund të zgjidhen ose të emërohen në detyra të tjera shtetërore dhe as të marrin pjesë në parti apo veprimtari politike, ndërkohë që një ushtarak i shërbimit aktiv nuk mund të kandidojë dhe as të zgjidhet ministër apo deputet pa hequr dorë më parë nga detyra.”, vlerëson presidenti.
Pyetjet kanë të bëjnë me aktivitetin e Lleshit gjatë kohës kur Lleshi ishte zyrtar në Ministrisë e Mbrojtjes.
Kjo kërkesë është bërë në kuadër të informacionit shterues për pozitën e ushtarakut Sandër Lleshi/a.ç
