Pas publikimit të një video të bërë një vit më parë në një shkollë në Bushat të Shkodrës, është identifikuar edhe mësuesja që dhunonte nxënësin e saj.
Ajo është Nevila Duraj. “Ngjarja ka ndodhur rreth një vit më parë. Nxënësi që qëllova bënte zhurmë.
Prindërit nuk janë në dijeni. Me ta kam marrëdhënie të mira. Deri më tani nuk më ka kontaktuar askush nga Ministria” tha ajo.
Vetë nxënësi ndërkohë tha se nuk kishte bërë detyrat, ndaj është rrahur nga mësuesja.
Ai thotë se është rrahur dhe herë të tjera dhe për këtë ishte ankuar edhe tek drejtori: “Atë ditë nuk kam bërë detyrat, ndaj më qëlloi. Mësuesja më ka qëlluar edhe herë të tjera. Jam ankuar në drejtori, por nuk janë marrë masa”shprehet ai për BW.
