Njësia Vendore e Kujdesit Shëndetësor në Sarandë ka vendosur të mbyllë për 10 ditë shkollën e mesme në Borsh, pasi 7 mësues dhe 6 nxënës kanë rezultuar pozitivë me covid-19.
Rraportohet se fëmijët dhe nxënësit nga klasa e parë deri në të dymbëdhjetën të shkollës “Qazim Palo” do të qëndrojnë për dhjetë ditë në shtëpi, ndërsa më pas në varësi dhe të situatës do të merret një tjetër vendim.
Sipas burimeve nga drejtoria e shkollës mësohet se të gjithë mësuesit e kësaj shkolle janë të vaksinuar me të dy dozat, përfshirë edhe mësuesit e infektuar.
Shkolla e Borshit ka 150 nxënës dhe një personel prej 15 mësuesish.
Sipas Njësisë Vendore të Kujdesit Shëndetësor në Sarandë, ditën e enjte kanë rezultuar pozitiv 18 raste, 15 nga testimet e shpejta dhe 3 raste nga përgjigjet e ardhura nga Instituti.
/b.h
