“Rivaliteti ynë është diçka më shumë e mediave. Këtë e kam thënë gjithmonë, ashtu siç e ka thënë edhe ai. Secili prej nesh mundohet të japë maksimumin. Cristiano është një lojtar i madh, me shumë cilësi dhe që përmirësohet vit pas viti. Për këtë arsye është një nga më të mirët në botë”, tha ylli argjentinas i Barcelonës.
Në intervistë, Messi foli edhe për rinovimin e kontratës së tij, që pritet të firmoset në ditët në vazhdim dhe që do e lidhë sulmuesin me klubin katalanas deri në vitin 2022.
“Gjithmonë kam ëndërruar që t’a mbyll karrierën te Barcelona. Të shohim”, deklaroi Messi.
Pak ditë më parë ishtë Cristiano Ronaldo që deklaroi se “argëtohet duke parë Messi-n të luajë futboll”. Tashmë duket se mes dy futbollistëve më të mirë në botë ekziston një respekt reciprok. Mbetet për t’u parë nëse argjentinasi do t’a ftojë Ronaldo-n në dasmën e tij më 30 qershor me Antonella Roccuzo-n që mbahet në Rozario, vendlindjen e Messi-t dhe Roccuzo-s. /ma.me
