Ronaldo ka rrëmbyer sërish primatin e të parit në Evropë sa i përket golave të shënuar në të gjitha garat, me 40 rrjeta. Pas tij renditen Messi me 39 dhe Salah me 38. Pothuajse për një dekadë, Lionel Messi dhe Cristiano Ronaldo kanë dominuar në Evropë duke regjistruar shifra të pabesueshme dhe duke e mbyllur vitin me më shumë se 50, 60 gola, derisa Leo kishte shkuar edhe në 73 finalizime në të gjitha garat në një edicion (2011/12), rekord historik ky, shkruan Gazeta Express.
Këtë edicion, fituesit e 10 Topave të Artë janë duke hasur në vështirësi që të shkëputën nga të tjerët, por ndeshje pas ndeshje po rikthehen të bëjnë atë që dinë më së miri, realizimin e golave… Cristiano Ronaldo, që nuk luajti vikendin që lamë pas në la Liga, u rikthye me gol në barazimin 1-1 të Real Madridit me Atletico Madridin, duke shkuar në 40 finalizime këtë edicion në vetëm 37 ndeshje, pas tij renditet Lionel Messi me 39 rrjeta, pas het-trikut kundër Leganes, kurse Mohamed Salah mbetet në kuotën e 38 golave, ai nuk luajti në vikend pas lëndimit që pësoi kundër Manchester City në çerekfinale të Champions League.
Golashënuesit më të mirë në Evropë deri më tani këtë sezon…
Cristiano Ronaldo: 40 gola, (37 ndeshje)
Lionel Messi: 39 gola, (46 ndeshje)
Mohamed Salah: 38 gola, (42 ndeshje)
Ciro Immobile: 37 gola, (40 ndeshje)
Harry Kane: 35 gola, (39 ndeshje)
Robert Lewandowski: 35 gola, (39 ndeshje)
Edinson Cavani: 35 gola, (39 ndeshje)
Sergio Aguero: 30 gola, (36 ndeshje)
Më i papërmbajtshmi duket Ronaldo, që ka luajtur më pak nga të gjithë, përgatiti Express. (b.an)
