Suedia është shpallur si vendi më i mirë në botë për t’i rritur fëmijët, sipas një studimi të ri. Tri të katërtat e të anketuarave në studimin e “HSBC Expat Explorer”, kanë thënë se cilësia e jetës së fëmijëve të vet ishte përmirësuar pas zhvendosjes në shtetin skandinav.
Republika e Çekisë dhe Singapori janë renditur si e dyta, respektivisht e treta në këtë studim. Stili i shëndoshë i jetës është parë si një faktor i rëndësishëm për renditjen e lartë të Suedisë në këtë studim, në të cilin u anketuan 26.871 mërgimtarë në 45 vende të botës.
Rreth 69% e prindërve mërgimtarë kanë thënë se shëndeti dhe mirëqenia e fëmijëve të tyre është përmirësuar pas zhvendosjes në Suedi, krahasuar me mesataren globale prej 49%. Edhe kujdesi për fëmijët ka qenë një faktor tjetër i rëndësishëm pasi 75% e të anketuarve e kanë vlerësuar kujdesin për fëmijët në Suedi si më të mirë se në vendet nga vijnë, krahasuar me vetëm 47% e mërgimtarëve nga vendet tjera.
ma.me
