Mësimi online, i vështirë, por jo i pamundur

Nga Mirela Reqica

Në kohën kur shkollat ​​u mbyllën në fillim Marsi në të gjithë vendin, shumica e mësuesve u angazhuan tashmë me përgatitjen e mësimit nga shtëpi dhe arritjen e programeve të mësimit online.

Për shumë mësues, burimet në internet kanë qenë një pjesë qendrore e mbështetjes së tyre për të mësuar nxënësit nga shtëpi për njëfarë kohe. Shumë mësues nuk kishin përvojë në përdorimin e platformave për të dhënë mësim online.

Shumë familje nuk kanë patur qasje në teknologji ose nuk kanë mbështetur fëmijët në mësimin online duke mos patur internet. Dhe megjithëse qeveria u angazhua të sigurojë laptopë dhe tableta për nxënësit që nuk kishin mundësi. Aksesi në lidhjet e internetit gjithashtu ndryshon shumë midis familjeve madje edhe rajonalisht.

Të mësuarit online do të thotë më shumë punë për mësuesit, por MASR e ka bërë më të lehtë nëpërmjet platëformës “akademia.al”,ku janë trajnuar mësuesit për të qenë të gatshëm për skenaret e mundshme që janë në protokollet e Covid-19.Platforma akademia.al u siguron nxënësve materiale dhe reagime adekuate për të mësuar, dhe duke komunikuar me nxënësit. dhe prindërit.

Mësimi online është i vështirë edhe për nxënësit dhe prindërit Nuk ka dyshim se një ditë e tërë e të mësuarit virtual do të jetë e vështirë për këdo që të përqendrohet. Dhe do të thotë se është e vështirë për prindërit të menaxhojnë situatën.

Gjimnazistët duket që përballen më mirë online sesa nxënësit më të vegjël. Gjithashtu prindërit duke patur qasje në platformën “akademia.al” mund të inkurajojnë fëmijën që të angazhohet më shumë. Është e vështirë, por jo e pamundur të zbatosh kurikulën në të njëjtën mënyrë si në klasë./ Mirela Reqica, Zevendesdrejtore, gjimnazi ‘Asim Vokshi’