Të rinjve që ndjekin studimet e larta në Shqipëri u është dërguar një email-prezantimi me sondazhin Kombëtar të Studentëve, i cili është një instrument matës mbi opinionet e studentëve në institucionet e arsimit të lartë. Plotësimi i sondazhit do të bëhet në mënyrë anonime.
“Çdo student aktiv në Shqipëri ka mundësi që t’i përgjigjet sondazhit kombëtar të studentëve dhe të jap mendimin e tij për cilësinë e mësimdhënies, për mbështetjen institucionale dhe për mbështetjen që japin Universitetet për studentët. Qëllimi i sondazhit është që të marr një mendim makro mbi gjendjen e arsimit të lartë”, tha Elvin Gjevori- drejtor, te Agjencia e Sigurimit të Cilësisë në Arsimin e Lartë.
Afati i plotësimit të pyetësorit është deri në 2 maj, dhe më pas Agjencia e Sigurimit të Cilësisë në Arsimin e Lartë do të përmbledh të dhënat për të përçuar mendimin e studentëve instancave përkatëse.
“Ne gjatë gjithë verës do të përpunojmë të dhënat dhe do të nxjerrim një raport të përgjithshëm për gjendjen e arsimit në Shqipëri dhe më pas një raport të veçantë për të gjitha IAL-të në bazë të Fakulteteve që kanë. Në këtë mënyrë institucionet, Ministria dhe publiku do dinë mendimet e studentëve dhe në mënyrë të strukturuar bazuar në mendimet e studentëve do adresojmë problemet”, përfundoi ai.
/a.meta
