Deputetja demokrate Mesila Doda ka reaguar sot teksa procesi i numërimit është në përfundim dhe e majta ka dalë në një fitore të thellë.
Përmes një statusi në Facebook, Doda e njohur për qëndrimin e saj kritik ndaj lidershipit demokrat dhe miqësinë e saj me të ndjerin Sokol Olldashi, shprehet se ky i fundit kishte të drejtë dhe kjo ditë e konfirmon këtë.
“Sot të paktën biem dakord të gjithë që ti kishe të drejtë. Të paktën sot mund ta rikujtojmë se ti ia kishe thënë” – shkruan Doda teksa thekson se politika nuk është as matematikë, as ekonomi dhe as llogari meskine numrash.
“Politika është filozofi dhe inspirim” – shkruan Doda në diçiturën e fotos ku duket ajo dhe ish-deputeti Sokol Olldashi.
